電影 - The Substance - 完美物質

個故事就唔講咁多，但有幾點覺得幾有趣，第一就係變靚啲係要有discipline，因為唔跟住做係會有反效果嘅。

第二就係變靚咗嗰個係另一個你，咁仲算唔算係你呢？有啲嘢事實上係返唔到轉頭㗎。

第三就係無論你靚定唔靚，歲月有幾催人都好，保持心境開朗確實係非常重要。

導演今鋪好嘢，佢利用放大嘅聲效、close up嘅畫面不斷衝擊你，加埋果種對稱嘅場景，好sharp嘅顏色，頭半齣既美術係超現實類型片，但係萬萬都估唔到臨尾果場戲Cult到呢，充滿八九十年代嗰種驚慄血腥，完全係以前深夜明珠台（香港英語電視頻道）播嗰啲B片一樣，都幾正。

仲有，導演拍Margaret Qualley拍得好索。

如果你耐得住cult片嗰種核突，呢齣戲其實幾好睇，推薦。